بلوقي الاول

فكرت فكرت و زدت فكرت نعمل بلوغ للتوانسة و كي نقول بلوق معناها تدوينات على الموضوع هذا و لا الموضوع الاخر اي شنوة المشكل ؟ . اي نعرف ما فما حتى مشكل أما كي نكتب حاجات معناها ناس بش تقرا . شكون بش يقرا .

هذا السؤال اللي خذا أكثر نسبة من تفكيري . النتيجة ساهلة نكتب للشباب ....و احنا الكهول معناش حق؟

لار اني نقصد الشباب تنجموا تكونوا شباب في التفكير من غير ما نعملوا طلة على بطاقة التعريف .

قلت زعما نكتب بالعربية الفصحى و شكون باش يقراه الصغار هاي فدت مالقراية مالا بالفرنسية . ايه الفرنسية تي منفهموا منها شي و خلي عادة الانقليزية كعبة ل

مالا يا جماعة كيفاش باش نعمل ؟ مالا هاني بش نكتب بالطريقة اللي يتكلموا بيها التوانسة الكل برشا دارجة زيدها كعبات فرنسية تفويحة بالانقليزية شنوة رايكم ؟

شوفوا البلوق بلوقي وانا حرة فيه كل مرة نستعمل لغة وانت افرز اللغة اللي تحب تقراها كان متحبش انت حر .